जेन-जी आन्दोलनपछि घाइतेको उपचार र सहिद परिवारलाई राहतका लागि स्वदेश तथा विदेशमा संकलित सहयोग रकम गैरसरकारी संस्थामा नभई सरकारी भौतिक पूर्वाधार निर्माण कोष मा जम्मा गर्न अर्थमन्त्रालयले आग्रह गरेको छ।
शनिबार जारी विज्ञप्तिमा मन्त्रालयले संकलित रकम दुरुपयोग हुन नदिन र पारदर्शी ढंगले परिचालन गर्न कोषको आधिकारिक खातामा मात्र जम्मा गर्न अनुरोध गरेको हो। मन्त्रालयका अनुसार कोषमा जम्मा हुने रकम राहत, उपचार तथा पुनर्निर्माणका लागि प्रयोग गरिनेछ भने त्यसमा सहिद तथा घाइते परिवारका प्रतिनिधिहरूको समेत सक्रिय सहभागिता रहनेछ ।
