काठमाडौँ — नेपाल राष्ट्र बैंकका नवनियुक्त गभर्नर डा. विश्व पौडेलले बुधबार पदभार ग्रहण गरेका छन्। प्रधानन्यायाधीश प्रकाशमान सिंह राउतसमक्ष सपथ लिएपछि उनले बालुवाटारस्थित राष्ट्र बैंकको कार्यालयमा कार्यभार सम्हालेका हुन्।
पदभार ग्रहण गर्दै गभर्नर पौडेलले सरकारको आगामी बजेट कार्यान्वयनलाई सहयोग गर्ने गरी मौद्रिक नीति तर्जुमा गरिने बताएका छन्। उनले आर्थिक गतिविधि सशक्त बनाउन सबै सरोकारवालासँग समन्वय गरेर अघि बढ्ने प्रतिवद्धता जनाए।
गभर्नर पौडेलले कार्यकारी निर्देशक गुणाकर भट्टको राजीनामा बैंकको आन्तरिक विषय भएको बताएका छन्। साथै, उनले पाँच सय र एक हजारका नयाँ नोट छपाई गर्ने निर्णयमा हस्ताक्षर गर्दै कामको सुरुवात गरेका छन्।
