इन्डियन प्रिमियर लिग (आइपीएल) २०२५ मे १७ बाट पुनः सुरु हुने भएको छ भने फाइनल खेल जुन ३ मा सम्पन्न हुने तय गरिएको छ। आइपीएलले आफ्नो आधिकारिक एक्स (Twitter) ह्यान्डलमार्फत यसबारे जानकारी दिएको हो।
मे ८ मा हिमाचल प्रदेशको धर्मशालामा पञ्जाब किंग्स र दिल्ली क्यापिटल्सबीचको खेलको क्रममा अचानक स्टेडियममा ब्ल्याकआउट भएपछि खेल रद्द गरिएको थियो र प्रतियोगिता एक हप्ताका लागि स्थगित गरिएको थियो।
भारतीय रक्षा मन्त्रालयका अनुसार सोही रात पाकिस्तानले भारतका विभिन्न स्थानहरूमा मिसाइल र ड्रोन हमला गरेको थियो।हाल अवस्था सामान्य बन्दै गएपछि आइपीएल पुनः सुरु गर्ने निर्णय गरिएको आयोजकहरूले जनाएका छन्।
