रामेछापको दोरम्बाबाट शव लिएर काठमाडौँतर्फ आउँदै गरेको एम्बुलेन्स बिहीबार बिहान खाँडादेवी गाउँपालिका–३ चारघरेस्थित सित्खा गोगनपानी भित्री सडकमा दुर्घटना भएको छ।
जिल्ला प्रहरी कार्यालय रामेछापका अनुसार प्र.३-०१-००२ झ ५८०३ नम्बरको एम्बुलेन्स सडकबाट झन्डै १०० मिटर तल खस्दा तीन जना घाइते भएका छन्। गाडीमा चार जना सवार थिए।
डिएसपी भोला भट्टले दिएको जानकारीअनुसार घाइतेहरूलाई उपचारका लागि अर्को एम्बुलेन्समार्फत धुलिखेल पठाइएको छ। दुर्घटनास्थलमै शव र एम्बुलेन्स राखिएको प्रहरीले जनाएको छ।
