अन्तर्राष्ट्रिय बजारमा सुनको मूल्य बढेसँगै यसको प्रत्यक्ष असर नेपाली बजारमा पनि देखिएको छ। तीन दिनसम्म स्थिर रहेको सुनको मूल्य आज तोलामा ५,००० रुपैयाँले बढेको छ। चाँदीको मूल्य पनि तोलामा ५० रुपैयाँले बढेको छ।
नेपाल सुनचाँदी व्यवसायी महासङ्घका अनुसार आज एक तोला सुनको मूल्य रु १,८९,८०० कायम भएको छ भने चाँदीको मूल्य रु १,९९० रहेको छ।
अन्तर्राष्ट्रिय बजारमा आज प्रतिऔंस सुनको मूल्य ३,३२१ अमेरिकी डलरमा कारोबार भइरहेको छ भन्ने जानकारी अन्तर्राष्ट्रिय सञ्चारमाध्यमहरूले दिएका छन्।
