नुवाकोटबाट काठमाडौँतर्फ आउँदै गरेको बागमती प्रदेश ०३००१ज०८५४ नम्बरको विद्युतीय माइक्रोबस आइतबार नुवाकोटको शिवपुरी गाउँपालिका–७ गुरुङगाउँमा दुर्घटना हुँदा ९ जना यात्रु घाइते भएका छन्। जिल्ला प्रहरी कार्यालय नुवाकोटका अनुसार दुर्घटनामा ५ महिलासहित ९ जना घाइते भएका हुन्। माइक्रोबस करिब १० मिटर तल खसेर दुर्घटना भएको प्रहरी नायब उपरीक्षक विक्रम लामाले जानकारी दिए।
घाइतेहरूमध्ये नुवाकोटको लिखु गाउँपालिका–४ चौघडाकी मैना राई, काठमाडौंको महाराजगञ्जकी लक्ष्मी खड्गी, गोंगबुकी सिर्जना लामा, नुवाकोट माझिटारकी बिपना अर्याल, शिवपुरी तलाखुका रसमान लामा, विजय लामा, काठमाडौंको कलंकी बस्ने सरस्वती राई, श्याम दगौरा र रसुवाको उत्तरगया गापा–५ का महेन्द्र श्रेष्ठ रहेका छन्।
सभी घाइतेहरूलाई उपचारका लागि काठमाडौं ल्याइएको छ। दुर्घटनापछि चालक रवि बस्नेतलाई प्रहरीले नियन्त्रणमा लिएको छ।
