नेपाल विद्यालय कर्मचारी परिषद्ले सरकार र शिक्षक महासंघबीच बुधबार भएको ९ बुँदे सहमतिमा आफ्ना माग समावेश नभएको भन्दै विरोध जनाउँदै आन्दोलनको चेतावनी दिएको छ। परिषद्का अध्यक्ष गंगाराम तिवारीका अनुसार आफ्ना मागहरू बेवास्ता गरिएकाले परिषद् आन्दोलनको तयारीमा छ।
यसै सन्दर्भमा महासंघ अन्तर्गतका सबै संघ-संगठनहरुको समीक्षा बैठक बोलाइएको छ। सहमतिको जानकारी दिन काठमाडौँमा आयोजना गरिएको कार्यक्रममा विद्यालय कर्मचारीहरूले नेतृत्वमाथि नाराबाजी गर्दै तीव्र असन्तुष्टि जनाएका थिए।
यसअघि नै परिषद्ले प्रेस विज्ञप्ति जारी गर्दै सहमति प्रति असहमति जनाएको थियो। महासंघका सहअध्यक्ष नानुमाया पराजुलीले पनि विद्यालय कर्मचारीहरूको माग सम्बोधन नभएको प्रति उनीहरूले असन्तुष्टि जनाएको जानकारी दिइन्।
