चितवन राष्ट्रिय निकुञ्जको गैँडाको खागसहित दुई जनालाई नियन्त्रणमा लिइएको छ। आइतबार निकुञ्जका कर्मचारी र सुरक्षार्थ खटिएको नेपाली सेनाको संयुक्त टोलीले विशेष सूचनाको आधारमा उनीहरूलाई पक्राउ गरेको हो।
निकुञ्जका सूचना अधिकारी अविनाश थापा मगरका अनुसार भरतपुर महानगरपालिका–९ स्थित बीसहजार रोडबाट दिउँसो करिब ३ बजे ती व्यक्तिहरूलाई पक्राउ गरिएको हो।
पक्राउ परेका व्यक्तिहरूको नाम हाल सार्वजनिक गरिएको छैन। चितवन राष्ट्रिय निकुञ्जका प्रमुख संरक्षण अधिकृत गणेश पन्तका अनुसार खाग तस्करीमा अरूको संलग्नता हुनसक्ने आशंकामा विस्तृत अनुसन्धान भइरहेकोले पहिचान गोप्य राखिएको हो।
