नेपाली कांग्रेस बाराका पूर्वसचिव तथा संविधानसभा सदस्य रामअयोध्या यादवको ७२ वर्षको उमेरमा आज बिहान वीरगञ्जस्थित हेल्थकेयर अस्पतालमा निधन भएको छ। उहाँ मिर्गौला रोगबाट लामो समयदेखि पीडित हुनुहुन्थ्यो।
बाराको सुवर्ण गाउँपालिका–२ कवहीजगातका यादव २०७० सालको संविधानसभा निर्वाचनमा बारा क्षेत्र नं. १ बाट कांग्रेसबाट निर्वाचित भएका थिए। उहाँका श्रीमती, दुई छोरा र दुई छोरी छन्।
नेपाली कांग्रेसका सभापति शेरबहादुर देउवाले यादवको निधनमा गहिरो दुःख व्यक्त गर्दै श्रद्धाञ्जली अर्पण गर्नुभएको छ। देउवाले यादवको लोकतान्त्रिक आन्दोलनमा पुर्याएको योगदान पार्टीले सधैं सम्झिरहने बताउनुभएको छ।
