मोरङको तुवामाई गाउँपालिका–३ मिर्चा डागीमा करेन्ट लागेर गएराति दुई जनाको मृत्यु भएको छ। ज्यान गुमाउनेमा ७३ वर्षीया सूर्यदेवी गनगाई र ७० वर्षीया रामुदेवी गनगाई रहेको इलाका प्रहरी कार्यालय सिजुवालले जनाएको छ।
विवाह समारोहका लागि माइक जडान गर्न राखिएको बाँस ढल्दा करेन्ट लागेर तीन जना घाइते भएका थिए। घाइतेहरूको रंगेली अस्पतालमा उपचार भइरहेका बेला सूर्यदेवी र रामुदेवीको मृत्यु भएको हो।
अन्य घाइते राधाकुमारी सिंहको झुर्कियास्थित नगर अस्पतालमा उपचारपछि घर फर्किएको प्रहरीले जनाएको छ। घटनाबारे थप अनुसन्धान भइरहेको छ।
