राष्ट्रिय परीक्षा बोर्डले कक्षा १२ को वार्षिक परीक्षा पूर्व निर्धारित मिति अनुसार नै सञ्चालन गर्ने निर्णय गरेको छ। आन्दोलनरत शिक्षकहरूले परीक्षा बहिष्कारको चेतावनी दिएपछि उत्पन्न अन्योल हटाउन बोर्डले आज बैठक बसेर परीक्षा सारिने छैन भन्ने निर्णय गरेको हो।
शिक्षकको आन्दोलन तीव्र हुँदै गइरहेका बेला शिक्षामन्त्री विद्या भट्टराईले राजीनामा दिँदा परीक्षा तालिका कार्यान्वयनमा अन्योल बढेको थियो। तर, शिक्षा सचिव र बोर्डका पदाधिकारीहरूको उपस्थितिमा सम्पन्न बैठकले तोकिएको तालिकाअनुसार नै परीक्षा सञ्चालन गर्ने निर्णय लिएको छ।
बोर्डका अनुसार परीक्षा तोकिएको मिति, समय र केन्द्रअनुसार नै सञ्चालन हुनेछ।
