काठमाडौं — सर्वोच्च अदालतले दुर्गा प्रसाईका स्वामित्वमा रहेका दुई अस्पतालको बैंक खाता खोल्न अन्तरिम आदेश दिएको छ। न्यायाधीश हरिप्रसाद फुँयालको इजलासले बिएण्डसी मेडिकल टीचिङ हस्पिटल एण्ड रिसर्च सेन्टर र पूर्वाञ्चल क्यान्सर हस्पिटलको रोकिएको बैंक खाता खोल्न आदेश दिएको हो।
हाल दुर्गा प्रसाई काठमाडौंको जिल्ला प्रहरी कार्यालयमा हिरासतमा छन्। उनीमाथि तीन फरक घटनामा मुख्य दोषीको रूपमा आरोप लागेको छ र उनलाई भारतको आसामबाट पक्राउ गरी नेपाल ल्याइएको हो।
प्रसाईलाई पक्राउ गरी अनुसन्धान सुरु भएलगत्तै उनी सञ्चालक रहेका दुवै अस्पताललाई कालोसूचीमा राखिएको थियो, जसका कारण ती अस्पतालहरूको बैंक कारोबार पनि रोकिएको थियो। यद्यपि, बैंक खाता नै रोकिँदा अस्पतालको सामान्य कारोबारमा समस्या देखिएकोले अदालतले खाता खुला गर्न आदेश दिएको हो।
