बैशाख ३०, अंकित अधिकारी : आजको समयमा सौन्दर्य र आत्मविश्वाससँग सम्बन्धित धेरै कुरा कपालसँग जोडिएका छन्। युवादेखि बुढासम्म धेरै नेपालीहरू अहिले कपाल झर्ने समस्या (Hair Loss) बाट पीडित छन्। यस्ता मानिसहरूका लागि एउटा आशाजनक उपाय बनेको छ – हेयर ट्रान्सप्लान्ट।
हेयर ट्रान्सप्लान्ट भनेको के हो?
यो एउटा चिकित्सा प्रक्रिया हो जसमा शरीरको कपाल नझरेको भागबाट कपालका जराहरू निकालेर गञ्जा भागमा प्रत्यारोपण गरिन्छ। यसले नयाँ कपाल उम्रन मद्दत गर्छ र अनुहारलाई फेरी पुरानै रूप फर्काउँछ। अहिले नेपालमै पनि धेरै हेयर ट्रान्सप्लान्ट क्लिनिक खुलेका छन् जसले अन्तर्राष्ट्रिय स्तरको सेवा दिन थालेका छन्।
मुख्य प्रक्रिया :
- प्रारम्भिक परामर्श
- डोनर क्षेत्रको छनोट
- FUE वा FUT विधिबाट ग्राफ्ट निकाल्ने
- गञ्जा भागमा ग्राफ्ट प्रत्यारोपण
- हेरचाह र पुनःस्थापनापछि नयाँ कपालको वृद्धि
नेपालमा यसको बढ्दो बजार
पछिल्लो समय नेपालमा हेयर ट्रान्सप्लान्टको माग तीव्र रूपमा बढ्दै गएको छ। काठमाडौं, पोखरा, बुटवल, र विराटनगर जस्ता शहरहरूमा धेरै क्लिनिकहरू खुलेका छन् जहाँ मानिसहरूले किफायती मूल्यमा सेवा लिन सक्छन्।
विशेषगरी २०–४० वर्ष उमेर समूहका युवाहरू गञ्जापनको समाधान खोज्दै हेयर ट्रान्सप्लान्टतर्फ आकर्षित हुँदैछन्। यसले देशभित्रै नयाँ बजार बनाइरहेको छ।
