आज विश्वभर उच्च रक्तचाप दिवस मनाइँदैछ भने नेपालमा पनि जनचेतना फैलाउन विभिन्न कार्यक्रमहरू सञ्चालन भइरहेका छन्।
यस वर्षको नाराको सार हो – “आफ्नो रक्तचाप सही तरिकाले नाप्नुहोस्, नियन्त्रण गर्नुहोस्, लामो समय बाँच्नुहोस्।”
नियमित रूपमा रक्तचाप मापन गर्ने महत्त्वबारे जनमानसमा सन्देश फैलाउने उद्देश्यले यो दिवस मनाइएको हो। उच्च रक्तचाप, जसलाई ‘हाइपरटेन्सन’ पनि भनिन्छ, पहिलोपटक सन् २००५ देखि यो दिवस मनाउन थालिएको हो।
विशेषज्ञहरूका अनुसार बदलिँदो जीवनशैली, प्रशोधित तथा प्याकेटका खाद्यपदार्थको अत्यधिक सेवन र तनावपूर्ण दिनचर्याले उच्च रक्तचापको जोखिम बढाएको छ।
सामान्य रक्तचापको स्तर सिस्टोलिक १२० र डायस्टोलिक ८० सम्म हुनु उपयुक्त मानिन्छ। उच्च रक्तचाप हृदय रोगको मुख्य कारणमध्ये एक हो, त्यसैले समयमै सचेत हुनु जरुरी छ।
