प्रहरीको नक्कल गर्दै सर्वसाधारणलाई भ्रममा पार्ने एक युवकलाई प्रहरीले पक्राउ गरेको छ। पक्राउ परेका व्यक्ति भोजपुरको साल्पासिलिछो गाउँपालिका–३ का २३ वर्षीय सुजन गिरी हुन्।
गिरीले भक्तपुरको मध्यपुर थिमी नगरपालिका–२ स्थित दिव्यश्वरी नेवा भुटु रेष्टुरेन्टअगाडि मंगलबार साँझ करिब ६:३० बजे प्रहरी पोशाकमा खिचिएको फोटो मोबाइलमा देखाउँदै आफू प्रहरी इन्स्पेक्टर भएको दाबी गरेका थिए। उनले उक्त दाबीमार्फत सर्वसाधारणलाई झुक्याएको र सार्वजनिक स्थानमा अशान्ति फैलाएको आरोप लागेकाे छ।
स्रोतका अनुसार, गिरीलाई प्रहरी वृत्त थिमीको टोलीले नियन्त्रणमा लिएको भक्तपुर प्रहरीका सूचना अधिकारी ढुण्डीराज नेउपानेले जानकारी दिएका छन्।
