सरकार र यातायात व्यवसायीबीचको वार्ता निष्कर्षमा पुग्न नसकेपछि मंगलबार पनि देशभर सार्वजनिक यातायात सञ्चालन नहुने भएको छ। सोमबार गृह मन्त्रालयमा भएको बैठक निष्कर्षबिहीन भएपछि भोलि साढे १० बजे पुनः बैठक बस्ने तय गरिएको नेपाल यातायात राष्ट्रिय व्यवसायी महासङ्घका अध्यक्ष विजय स्वाँरले जानकारी दिएका छन्।
उनका अनुसार, ‘हामीले नियमावली स्थगन गर्न भन्यौँ, हामी आन्दोलन स्थगन गर्छौँ भने पनि वार्ता निष्कर्षमा पुग्न सकेन।’ मुख्य रूपमा गण्डकी प्रदेश सरकारले ल्याएको राइड सेयरिङ नियमावलीविरुद्ध देशभरका यातायात व्यवसायी आन्दोलनमा उत्रिएका हुन्। व्यवसायीहरूले नियमावली स्थगन गरिए आन्दोलन रोकिने बताएका थिए।
