भारतको अहमदाबादमा एयर इन्डियाको बोइङ ७८७ ड्रीमलाइनर विमान उडेको एक मिनेटमै दुर्घटनाग्रस्त भएको छ। विमान सिधै अहमदाबादको सिभिल अस्पताल नजिक रहेको भवनमा ठोक्किएको भारतीय सञ्चार माध्यमहरूले जनाएका छन्।
विमान ठोक्किएको भवन सिभिल अस्पतालमा कार्यरत इन्टर्न डाक्टरहरूको होस्टेल रहेको बताइएको छ। दुर्घटनामा कम्तिमा १५ जना डाक्टरहरू घाइते भएको पुष्टि गरिएको छ, र उनीहरूको उपचार भइरहेको छ। स्रोतअनुसार सो भवनमा ५०–६० जना इन्टर्न डाक्टरहरू बस्दै आएका थिए र ठूलो जनधनको क्षति भएको आशंका गरिएको छ।
नजिकैको ब्लकमा रेजिडेन्ट डाक्टरहरू पनि बस्दै आएका थिए, तर उनीहरूलाई क्षति भएको छैन भन्ने प्रारम्भिक जानकारी प्राप्त भएको छ।
