काठमाडौं महानगरपालिकाले आजको मितिमा बजेट सार्वजनिक नगर्ने भएको छ। असार १० भित्र बजेट ल्याउनुपर्ने कानुनी प्रावधान भए पनि कार्यपालिका बैठक नै नबसेपछि बजेट प्रक्रियामा ढिलाइ भएको हो।
मेयर बालेन्द्र शाह र प्रमुख प्रशासकीय अधिकृत सरोज गुरागाईंबीचको बढ्दो द्वन्द्वका कारण बजेट निर्माण प्रक्रिया प्रभावित भएको छ। मेयर शाहको सचिवालयका अनुसार, कार्यपालिका र नगर सभा बोलाउने तयारीमा आन्तरिक छलफल जारी छ, तर आजका लागि कुनै बैठक तय गरिएको छैन।
महानगरपालिकाको नगर सभा गत पुस १४ गतेपछि बस्न सकेको छैन। कार्यपालिका सदस्यहरूले समयमै बजेट ल्याउन माग गरिरहेका छन्, तर प्रशासनिक समन्वयको अभावले प्रक्रिया अन्योलमा परेको छ।
