म्याग्दी पहिरोमा बेपत्ता बालकको शव फेला

म्याग्दीको मालिका गाउँपालिका–३, लुप्सीपारमा पहिरोमा परेर बेपत्ता भएका १३ वर्षीय सरोज विकको शव फेला परेको छ। बुधबार दिउँसो घाँस काट्न गएका बेला पहिरोमा पुरिएर बेपत्ता भएका सरोजको शव आज नेपाल प्रहरी, सशस्त्र प्रहरी बल, जनप्रतिनिधि र स्थानीयको सहयोगमा फेला पारिएको हो।

यसअघि सोही घटनामा सरोजका बुवा, ३५ वर्षीय जगेन्द्र विकको पनि मृत्यु भएको थियो। प्रहरीका अनुसार उनीहरू घर नजिकैको पाखामा घाँस काट्दै गर्दा अचानक माथिबाट पहिरो खसेर पुरिएको थियो।