वैशाख २० भैरहवा, रुपन्देहि को भैरहवामा केही युवा उद्यमीहरू मिलेर अर्गानिक स्वाद गाऊका परिकार भन्ने मूल उद्देश्य का साथ मधुवन इको पार्क एन्ड रिसोर्ट संचालन मा ल्याउने भएका छन्। भैरहवा देखि करिव १ कि. मि. उत्तर मुल सडक देखि पश्चिम ३०० मिटर भित्र करिब १५ कठ्ठा जग्गामा सो पार्क एण्ड रिसोर्ट सञ्चालनमा ल्याउने भएको रिसोर्टका सञ्चालकहरू बताउँछन् बिभिन्न पेशा व्यवसायमा संलग्न भैरहवाका ८ जना युवा उद्दमी द्वारा सो पार्क सञ्चालन गरिनेछ सिद्धार्थनगर सँगै जोडिएको मायादेवी गाउँपालिका वडा न.८ को लक्ष्मी नारायण मार्गमा अवस्थित रिसोर्ट करिब १ करोड ३० लाखको लगानीमा सम्पन्न गरिने सञ्चालकहरू बताउँछन्।
लुम्बिनी र भैरहवा आउने आन्तरिक तथा वाहय पर्यटकका लागी लक्षित गरि सञ्चालन गरिने सो पार्कमा प्रत्यक्ष १५ जना लाई रोजगारी दिएको र पर्यटक लक्षित सो पार्क एण्ड रिसोर्ट ग्राहकको चाहना र माग सँगै विस्तार गरिँदै लगिने मधुवन इको पार्क एण्ड रिसोर्टका प्रवन्धक निर्देशक अमृत कुमार भट्टराई बताउनुहुन्छ।
