वालिङबाट प्रकाशित “अकला आवाज” साप्ताहिकले स्याङ्जाको समग्र विकास र शुशासनमा मिडियाको भूमिका विषयक अन्तरक्रिया तथा बार्षिक क्यालेन्डर विमोचन कार्यक्रम आयोजना गरेको छ।
यस कार्यक्रममा जिल्लाका सञ्चार क्षेत्रमा उल्लेखनीय योगदान पुर्याएका तीन जना पत्रकारहरूलाई सम्मानित गरिएको थियो। कार्यक्रममा गण्डकी प्रदेश सभाका अर्थ तथा विकास समितिका सभापति भोजराज अर्याल, पूर्व गण्डकी प्रदेश सांसद मोहन रेग्मी, वालिङ नगरप्रमुख कृष्ण खाड्का लगायत जिल्लाका सक्रिय पत्रकारहरू उपस्थित रहेका थिए।
“अकला आवाज” खबरपत्रिकाका प्रधान सम्पादक प्रकाश डुम्रेले कार्यक्रमको संचालन गर्दै उपस्थित सबैलाई स्वागत जनाएका थिए।
