२९ वैशाख, शान्ति, अहिंसा र करुणाका सन्देश वाहकका रूपमा विश्वभर परिचित सिद्धार्थ गौतमको २५६९औं जन्म जयन्ती आज नेपालसहित विभिन्न मुलुकमा श्रद्धाका साथ मनाइँदैछ। यस विशेष अवसरमा नेपाल सरकारले सार्वजनिक बिदा दिएको छ।
प्रत्येक वर्ष वैशाख शुक्ल पूर्णिमाका दिन मनाइने बुद्ध जयन्तीमा बुद्धको पूजा, आराधना, प्रवचन, तथा ध्यान कार्यक्रमहरू गरिन्छ। बुद्धको जन्म, बुद्धत्व प्राप्ति र महापरिनिर्वाण सबै यही तिथिमा परेकाले बौद्ध धर्मावलम्बीहरूले आजको दिनलाई विशेष श्रद्धाका साथ मनाउने गर्छन्।
बुद्धलाई विष्णुको नवौं अवतारका रूपमा समेत पूजाआराधना गरिन्छ। आज लुम्बिनी, स्वयम्भू, बौद्ध, लगायतका स्थलहरूमा विविध धार्मिक तथा सांस्कृतिक कार्यक्रम आयोजना गरिएका छन्।
बुद्ध जयन्तीले सिद्धार्थ गौतमले संसारमा दिएको शान्तिको सन्देश सम्झन र जीवनमा आत्मसमीक्षा गर्ने प्रेरणा दिन्छ। फ्ल्यासखबर मिडिया नेटवर्क प्रा.ली परिवारको तर्फबाट सम्पूर्णमा बुद्ध जयन्तीको हार्दिक मंगलमय शुभकामना!
