कपिलवस्तुको गोरुसिङे–पत्थरकोट सडक खण्डमा शुक्रबार बिहान मर्निङ वाकका लागि निस्किएका दुई महिलालाई कारले ठक्कर दिँदा मृत्यु भएको छ। बुद्दभूमि नगरपालिका–१, बसन्तपुरमा अर्घाखाँचीबाट बुटवलतर्फ जाँदै गरेको बीएडी ९५९९ नम्बरको कारले ठक्कर दिँदा स्थानीय ६५ वर्षीया शान्ता खत्री र तिलकुमारी रायमाझीको ज्यान गएको हो।
ट्राफिक प्रहरी कार्यालय गोरुसिङेले दिएको जानकारी अनुसार तीव्र गतिमा रहेको कारका चालक निदाएको आशंका गरिएको छ। दुर्घटनापछि गाडीका चालक ३५ वर्षीय खिमराज श्रेष्ठलाई नियन्त्रणमा लिइएको छ। ठक्करपश्चात कार अनियन्त्रित भई सडक किनारामा पुगेको बताइएको छ।
