पूर्व गृहमन्त्री रमेश लेखक पक्राउ परेपछि नेपाली कांग्रेसका नेताहरू आकस्मिक छलफलमा जुटेका छन्। पक्राउपछिको अवस्थाबारे कसरी अगाडि बढ्ने भन्ने विषयमा नेताहरूबीच परामर्श भइरहेको पार्टी प्रवक्ता देवराज चालिसेले जानकारी दिए।
उनका अनुसार बिहान ११ बजे पार्टी केन्द्रीय कार्यालयमा प्रतिनिधि सभामा निर्वाचित सांसदहरूका लागि अभिमुखीकरण कार्यक्रम तय गरिएको छ। सो कार्यक्रमअघि नै लेखकको पक्राउबारे पार्टीको आधिकारिक धारणा सार्वजनिक गरिने उनले बताए।
चालिसेले भने, “अहिले हामी परामर्शमा छौँ, बिहान ११ बजे सांसदहरूका लागि बैठक राखिएको छ, त्यसअघि पार्टीको धारणा बाहिर ल्याउँछौँ।”
गत भदौ २३ र २४ गते भएको जेन–जी आन्दोलनका बेला गृहमन्त्री रहेका लेखकलाई आज बिहान सबेरै उनको कटुन्जेस्थित निवासबाट प्रहरीले पक्राउ गरेको हो।
