काठमाडौं । पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकलाई पाँच दिन हिरासतमा राखेर अनुसन्धान गर्न अदालतले अनुमति दिएको छ।
काठमाडौं जिल्ला अदालतका न्यायाधीश आनन्द श्रेष्ठले दुवै जनामाथि अनुसन्धान गर्न प्रहरीलाई हिरासतमा राख्ने अनुमति दिएका हुन्।
गत भदौ २३ र २४ गते भएको जेन–जी प्रदर्शनका क्रममा भएको क्षतिको विषयमा गठित छानबिन समितिको प्रतिवेदनका आधारमा प्रहरीले आइतबार बिहान उनीहरूलाई उनीहरूकै निवासबाट पक्राउ गरेको थियो।
पक्राउपछि स्वास्थ्य अवस्थालाई ध्यानमा राख्दै ओलीलाई चिकित्सकको सिफारिसमा शिक्षण अस्पताल, महाराजगञ्जमा राखिएको छ। त्यस्तै, लेखकलाई महाराजगञ्जस्थित प्रहरीको २ नम्बर गणमा राखिएको छ।
