राप्रपाका उपाध्यक्ष रवीन्द्र मिश्रसहित १५ चैतमा तीनकुनेमा भएको राजावादीहरूको हिंसात्मक प्रदर्शनपछि पक्राउ परेका राष्ट्रवादीहरूलाई रिहा गर्न माग गर्दै रिले अनशन सुरु गरिएको छ।
ललितपुरमा राष्ट्रवादी देशभक्त जनता समूहको अगुवाइमा सुरु भएको यो रिले अनशन शुक्रबारदेखि बिहान १० बजेदेखि बेलुकी ६ बजेसम्म सञ्चालन हुने जनाइएको छ।
अनशनमा सहभागीहरूले ‘झुटा मुद्दा खारेज गर’, ‘रवीन्द्र मिश्रसहित सम्पूर्ण राष्ट्रवादीलाई रिहा गर’, ‘विधिको शासन कायम गर’, ‘नागरिक स्वतन्त्रताको सम्मान गर’ जस्ता नारासहितका ब्यानर बोकेका छन्। हाल मिश्र हिरासतमा रहेका छन्।
