रुपन्देहीमा १७ वर्षीया किशोरीमाथि जबरजस्ती करणी गर्ने ५० वर्षीय पुरुष पक्राउ

रुपन्देही — १७ वर्षी किशोरीमाथि जबरजस्ती करणी गरेको आरोपमा एक जना व्यक्ति पक्राउ परेका छन्। सिद्धार्थनगर नगरपालिका–३ खजहनाका ५० वर्षीय दीपक कुमार क्षेत्रीलाई आइतबार साँझ प्रहरीले नियन्त्रणमा लिएको हो।

जबरजस्ती करणीको उजुरीको आधारमा जिल्ला प्रहरी कार्यालय रुपन्देहीबाट खटिएको टोलीले उनलाई पक्राउ गरेको प्रहरीले जानकारी दिएको छ। हाल उक्त घटनासम्बन्धी थप अनुसन्धान भइरहेको छ।