पहलगाम, जम्मू–कश्मीरमा पर्यटकहरूमाथि भएको आक्रमणको विरोधमा शुक्रबार दिल्लीका व्यापारीहरूले ‘दिल्ली बन्द’को आयोजना गरे, जसका कारण राजधानीका थुप्रै बजारहरू बन्द भए। देशभर विभिन्न स्थानमा नागरिकहरूले शान्तिपूर्ण विरोध प्रदर्शन गर्दै आक्रमणप्रति आपत्ति जनाए।
भुवनेश्वरमा भाजपा युवा मोर्चाले प्रदर्शन गरे, जहाँ भाजपा ओडिसाका अध्यक्ष मनमोहन सामलले आतंकवादको अन्त्यका लागि सरकारको प्रतिबद्धता दोहोर्याए।
अनन्तनागको सरकारी विद्यालयका विद्यार्थीहरूले पदयात्रा गर्दै विरोध जनाए भने चण्डीगढ़मा नागरिकहरूले प्लेकार्डसहित न्यायको माग गर्दै प्रदर्शन गरे। अयोध्यामा मृतकहरूको आत्माको शान्तिका लागि दिप प्रज्वलन गरियो। दिल्लीको खान मार्केट र भोपालमा श्रद्धाञ्जली सभा आयोजना गरियो, जसमा भाजपा नेताहरूको सहभागिता रहेको थियो।
भाजपा सांसद वीडी शर्माले आतंकवादविरुद्ध देश एकजुट रहेको र दोषीलाई उन्मुक्ति नदिइने बताए। पहलगाम आक्रमणमा २५ भारतीय र १ नेपालीको मृत्यु भएको थियो भने कैयौं घाइते भएका थिए। यसअघि २०१९ मा पुलवामा हमलामा ४० जना सीआरपीएफ जवान मारिएका थिए।
